როგორი იყო ''ბარაქიანი შემოდგომა'' ლასურიაშის სკოლაში - შემოდგომის დღეებისადმი მიძღვნილი ღონისძიება
17-11-2016
დაკოპირებულია
-
+
ლასურიაშის სკოლაში შემოდგომის დღეებს მოსწავლეებმა ღონისძიება მიუძღვნეს.
როგორც სკოლის ისტორიის მასწავლებელი მზია მუშკუდიანი აღნიშნავს, ღონისძიებაზე მოსწავლეებს უნდა წარმოეჩინათ, თუ როგორი ლამაზია წელიწადის ეს დრო, თავისი ხვავითა და ბარაქით, ფერთა პალიტრით:
"საზოგადოებისათვის, ასევე, უნდა გვეჩვენებინა სოფლის პრობლემა, თუ როგორ სჭირდება სოფელში მარტოდ-მარტო დარჩენილ მოხუცებს დახმარება, მოჭარბებული საშემოდგომო სამუშაოების შესრულებაში, რომ მათი იმედი ახალგაზრდა თაობაა."- დასძენს ისტორიის მასწავლებელი.
ასევე სკოლაში მოეწყო ნახატების გამოფენა, სადაც აქტიურად ჩაერთვნენ I-II-III-IV-V-VI-კლასის მოსწავლეები.
მოსწავლეებმა წარმოადგინეს ლიტერატურულ მუსიკალური კომპოზიცია:,,ნახვამდის შემოდგომავ“, ასევე მინი სპექტაკლი, სადაც წარმოდგენილი იყო, თუ როგორ ეხმარებიან მოსწავლეები ნიკო პაპას.
ლასურიაშის სკოლის მოსწავლეებმა მოაწყვეს შემოდგომის ნობათის გამოფენა, იქვე მოადუღეს თათარა, ამოავლეს ჩურჩხელები და დააგემოვნებინეს დამსწრე საზოგადოებას.