რა მაგიური სიურპრიზი ელოდებათ ''ჰარი პოტერის'' ფანებს საახალწლოდ
17-11-2016
დაკოპირებულია
-
+
''ჰარი პოტერის'' ფანებს, რუსმა ილუსტრატორმა და დიზაინერმა, მარინა ადამოვამ სიურპრიზი მოუწყო და საახალწლო დეკორაციები წიგნის გმირებისა და სიმბოლოების გამოსახულებით შექმნა.
როგორც თავად აღნიშნავს, იმედი აქვს ეს ახალი წელიც ისეთივე მაგიური გამოვა, როგორც ჯოან როულინგის მიერ დაწერილი წიგნია.
მარინა ადამოვას სათამაშოების დასამზადებლად სულ ერთი თვე დასჭირდა და გამოიყენა ფერადი ქაღალდები, თეთრი წებო და მაკრატელი.
საახალწლო დეკორაციები, ლონდონში, ერთ-ერთ მაღაზიაში გაიყიდება და მარინა ადამოვას დიდი იმედი აქვს, რომ თავისი შემოქმედებით ''ჰარი პოტერის'' ფანებს საახალწლოდ ძალიან გაახარებს.
''ჰარი პოტერი '' ჯოან როულინგის მიერ დაწერილი 7 ნაწილიანი ფენტეზის ჟანრის წიგნების სერიაა. იგი ჰარი პოტერის, ახალგაზრდა ჯადოქრის თავგადასავლებს ასახავს და ძირითადად ბავშვებისთვისაა განკუთვნილი. წიგნი მთელ მსოფლიოშია ცნობილი და უამრავ ენაზეა თარგმნილი, მათ შორის ქართულადაც. დიდი პოპულარობით სარგებლობს წიგნის ეკრანიზაციაც.