მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ახმეტაში ''ეტალონის'' პირველ ტურის ორგანიზებაში გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახური რესურსცენტრთან და სკოლის წარმომადგენლებთან ერთად იყო ჩართული.
ტესტირების დღესთან დაკავშირებით, ახმეტაში, ყველა სკოლის ინფორმირება წინასწარ მოხდა.
ტესტირება ყველა სკოლაში „ეტალონიდან“ მიწოდებული ტესტების და ინსტრუქციის შესაბამისად მოხდა. მე-8, მე-9, მე-10 და მე-11 კლასებისთვის ტესტები ცალ-ცალკე იყო შერჩეული.
მოსწავლეების ნამუშევრები სკოლის მიერ შერჩეულმა პირებმა გაასწორეს. ‘’ეტალონის’’ ჯგუფი კი მათთგან ყველაზე მაღალქულაინ მოსწავლეებს გამოავლენს.
ყველაზე მაღალქულიანი მოსწავლეები მომდევნო ტურში მიიღებენ მონაწილეობას.
შესარჩევ ტურთან დაკავშირებით "Etaloni.ge"-სთან საუბრისას ახმეტის მუნიციპალიტეტის გამგეობის განათლების, კულტურის, ძეგლთა დაცვის სპორტისა და ახალგაზრდობის სამსახურის უფროსი ფიქრია ხოხობაშვილი აღნიშნავს, რომ შესარჩევ ტურში მონაწილე ბავშვების უმრავლესობამ კატეგორია ‘’თამამი’’ აირჩია:
„ეტალონის'' შესარჩევ ტურში 25-დან 20 სკოლა იღებდა მონაწილეობას. სულ 400-მდე მოსწავლე. ბარიერი გადალახა 202 მოსწავლემ. ყველაფერი მაღალ დონეზე ჩატარდა, ორგანიზებულად, ყოველგვარი დარღვევების გარეშე. ზოგადად, მოსწავლეების 90%-მა აირჩია კატეგორია ‘’თამამი’’. ყველას აქვს გარკვეული ამბიცია. ტრენერები იყვნენ ძალიან კარგად ორგანიზებულები და ყველაფერმა ობიექტურად ჩაიარა.“
ახმეტის პირველი საჯარო სკოლის დირექტორის ნანული კრიხელის თქმით, ყველაზე მაღალი ქულები დაიწერა პირველ საჯარო სკოლაში:
„კოორდინატორი მყავდა სკოლაში გამოყოფილი. შესარჩევი ტური ძალიან კარგად ჩატარდა. თითქმის ყველა კლასმა მიიღო მონაწილეობა. ისინი ერთ დიდ კლასში შევიყვანეთ და აქტიურობა იყო ძალიან კარგი. ვაკონტროლებდით შესარჩევი ტურის მსვლელობას. ბავშვებმა ძალიან კარგად იმუშავეს და ქულებიც ძალიან კარგი დაიწერა. 91 დაიწერა ყველაზე მაღალი ქულა. ძალიან კმაყოფილები ვართ. სტიმულია ‘’ეტალონი’’ ამ ბავშვებისთვის. აღსანიშნავი ფაქტია, რომ ტესტები თითოეულ კლასს იყო მორგებული. ესეც ძალიან კარგი სიახლე იყო ჩვენი ბავშვებისთვის. სულმოუთმენლად ველოდებით მეორე ტურს.“
‘’ეტალონის’’ შემოქმედებითი ჯგუფი მადლობას უხდის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურს, რესურსსცენტრსა და სკოლის წარმომადგენლებს ინტელექტ-შეჯიბრში ჩართულობისთვის.
"ეტალონი" 2016-2017 სასწავლო წელს საქართველოს ყველა ქალაქსა და მუნიციპალიტეტს ესტუმრება და ადგილზევე გამოავლენს "ეტალონ მოსწავლეებს".
პროექტი განათლებისა და მეცნიერების სამინისტროს მხარდაჭერით მიმდინარეობს.