მშვიდობის კორპუსი საქართველოში 2001 წლიდან შემოვიდა და მას შემდეგ საქართველოში 300-ზე მეტმა მოხალისემ იმსახურა.  

მოხალისეები მუშაობენ სკოლებსა და ორგანიზაციებში. 

2015 წლის სექტემბერიდან ოშორის სკოლა ჩაერთო მშვიდობის კორპუსის მიერ გამოცხადებულ კონკურსში.  

2016 წლის ივლისში ჩამოვიდა სკოლაში ჩავიდა მოხალისე - ტატიანა ორინგია წარმოშობით აშშ-დან, კერძოდ ვირჯინიის შტატიდან.  

მას დამთავრებული აქვს ვირჯინიის სახელმწიფო უნივერსიტეტი, სოციალური ურთიერთობის ფაკულტეტი, ტატიანას აქვს ბაგა-ბაღში და უნარშეზღუდულ ადამიანებთან მუშაობის გამოცდილება.  

სოფელში მისვლისთანავე ის აქტიურად ჩაერთო სკოლის ცხოვრებაში. ჩამოაყალიბა საზაფხულო ბანაკი, რათა უკეთ დაემყარებინა მოსწავლეებთან კომუნიკაცია. სწავლის დაწყების შემდეგ გაიხსნა “ინგლისური ენის“ კლუბი. კლუბი მოსწავლეებს ენის უკეთესად შესწავლაში ეხმარება.   

ტატიანა დაინტერესებულია ქართული ტრადიციებით - დაიწყო სიარული ქართული ტრადიციული ცეკვის გაკვეთილებზე, ასევე აქტიურად დადის მუსიკის გაკვეთილებზე, მას კვირაში 18 ინგლისური ენის საათი აქვს, რომელსაც 3 პარტნიორ მასწავლებელთან ერთად ატარებს. როგორც სკოლის მოსწავლეები აღნიშნავენ, ტატიანა არის კომუნიკაბელური და იუმორით აღსავსე.  

 
მან ოქტომბრის ბოლოს სკოლაში პარტნიორ მასწავლებელთან ერთად ჩაატარა “ Halloween“-თან დაკავშირებული ღონისძიება, რომელშიც სკოლის მოსწავლეები აქტიურად იყვნენ ჩართულები.  

იხილეთ ფოტოები