დღეს მართლმადიდებლური ეკლესია მაცხოვრის იერუსალიმში დიდებით შესვლას აღნიშნავს, რასაც ქრისტიანები ბაიაობას ანუ ბზობას უწოდებენ.
ბზობა ერთ-ერთი საუფლო დღესასწაულია, რომელიც ყოველთვის ემთხვევა აღდგომის წინა კვირა დღეს.
ბზობის შინაარსი დაფუძნებულია სახარების მოთხრობაზე, რომელშიც გადმოცემულია იერუსალიმში პასექის დღესასწაულზე დასასწრებად იესო ქრისტეს შესვლის ამბავი. იესოს მოსახლეობა ზეიმით შეეგება, ზოგი მის სახედარს ფეხქვეშ თავის სამოსს უგებდა, ზოგი პალმის ტოტებს - ბაიას უფენდა, თან ''ოსანას'' უგალობდნენ.