"ღია კარის დღე" ეროვნულ თავდაცვის აკადემიაში ყოველწლიურად იმართება. წლევანდელი ღონისძიება აბიტურიენტთა დიდი აქტივობით გამოირჩეოდა, დღეს აკადემიამ 1200–ზე მეტ დაინტერესებულ პირს უმასპინძლა. 

სასწავლო სამმართველოს უფროსმა, მარიამ დარბაიძემ ახალგაზრდებს რამდენიმე ეტაპად პრეზენტაცია წარუდგინა აკადემიაში მიღების პირობების, არსებული საბაკალავრო, ქართულ ენაში მომზადებისა და გაცვლითი პროგრამების შესახებ. აბიტურიენტებს ასევე მიეცათ საშუალება დაეთვალიერებინათ აკადემიის მატერიალურ-ტექნიკური ბაზა და არსებული საცხოვრებელი პირობები.

ეროვნული თავდაცვის აკადემიაში საბუთების მიღება 2017 წლის 3 აპრილიდან 16 ივნისის ჩათვლით იწარმოებს. ერთიან ეროვნულ გამოცდებამდე აბიტურიენტები გაივლიან აკადემიის შიდა ტურებს: სამედიცინო შემოწმება, გასაუბრება და ფიზიკური მომზადების ტესტი. ერთიან ეროვნულ გამოცდებზე ბარდება შემდეგი საგნები - ქართული ენა, ზოგადი უნარები, უცხო ენა და მათემატიკა.

2017-2018 აკადემიური წლისთვის ეროვნულ თავდაცვის აკადემიაში მიღება ხორციელდება მენეჯმენტის, ინფორმატიკისა და თავდაცვისა და უსაფრთხოების საბაკალავრო პროგრამებზე. აკადემიაში ჩაბარების შემთხვევაში თითოეული იუნკერი უზრუნველყოფილი იქნება საცხოვრებელი ადგილით, კვებით, ფორმითა და სამედიცინო მომსახურებით.

სწავლის დასრულების შემდეგ იუნკერი იღებს ბაკალავრის ხარისხს შესაბამის სპეციალობაში და ოფიცრის პირველად სამხედრო წოდებას - "ლეიტენანტი". 

ეროვნულ თავდაცვის აკადემიაში სწავლა სრულად ფინანსდება საქართველოს თავდაცვის სამინისტრო მიერ.