ტესტირების დღესთან დაკავშირებით ბორჯომის მუნიციპალიტეტის ყველა სკოლა წინასწარ იყო ინფორმირებული. 

ტესტირება სკოლებში ''ეტალონიდან'' მიწოდებული ტესტებისა და ინსტრუქციის შესაბამისად ჩატარდა.     

მე-8, მე-9, მე-10 და მე-11 კლასებს სხვადასხვა ტესტი დაურიგდათ.  

ბორჯომის მუნიციპალიტეტის გამგეობის კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის სამასახურის უფროსის მარინა ხუჯაძის თქმით, ბორჯომის მუნიციპალიტეტეის ყველა სკოლა აქტიურად ჩაერთო შესარჩევ ტურში:

''ბორჯომის მუნიციპალიტეტის 21-ვე სკოლა ძალიან აქტიურად იყო ჩართული ''ეტალონის'' შესარჩევ ტურში. ძალიან ორგანიზებულად ჩატარდა ყველგან. ბავშვების დამოკიდებულება დადებითია ამ პროექტის მიმართ და დიდი მოლოდინები აქვთ. პირადად 2 სკოლაში ვიყავი და დავაკვირდი შესარჩევი ტურის მსვლელობას.''

რესურსცენტრის უფროსი იზო ლომიძე აღნიშნავს, რომ შესარჩევი ტური ყველა სკოლაში ორგანიზებულად ჩატარდა:

''ეტალონთან'' უკვე მეორე წელია რაც ვთანამშრომლობთ. შარშან პირველად ჩატარდა ჩვენთან და პოზიტიური მუხტი შემოიტანა მოსწავლე-ახალგაზრდობაში ამ პროექტმა. წელს განსაკუთრებით აქტიურად და ხალისით ჩაერთნენ სკოლები. ბორჯომის მუნიციპალიტეტის ყველა სკოლა მონაწილეობდა. მოსწავლეებმა აირჩიეს კატეგორიები როგორც ''თამამი'', ასევე ''მამულიშვილი''. ორგანიზებულად, საინტერსოდ და ლამაზად ჩატარდა ყველა სკოლაში. მიმაჩნია, რომ ეს პროექტი ძალიან კარგი გამოწვევაა მოსწავლეებისთვის. ბავშვები სულმოუთქმელად ელოდებიან შემდგომ ეტაპებს.''

"ეტალონი" 2016-2017 სასწავლო წელს საქართველოს ყველა ქალაქსა და მუნიციპალიტეტს ესტუმრება და ადგილზევე გამოავლენს"ეტალონ მოსწავლეებს".