19 იანვარი 2017 ხუთშაბათი - 02:10
12-01-2017
ახალი სკანდალი ჰოლივუდში – მსახიობი კაცები მსახიობი ქალების წინააღმდეგ!
არც ჰოლივუდს აკლია პრობლემები! მაგალითად, უთანასწორობა. ქალებს იქ ბევრად ნაკლებს უხდიან, ვიდრე მამაკაცებს. ამის შესახებ ხშირად საუბრობენ, თუმცა ბოლო დროს თემა ისევ გამწვავდა.

2015 წელს ჯენიფერ ლოურენსმა კომპანია “სონი პიქჩერსის” საიდუმლო ელექტრინული წერილების ნახვის შემდეგ გააკეთა ხმამაღალი განცხადება. ხაკერებმა “სონის” ფოსტა გატეხეს და ყველა მონაცემი გაასაჯაროეს. მათ შორის – მსახიობების ჰონორარები. სიმართლისათვის მებრძოლი ჯენიფერი არ გაჩუმდა და ხმამაღლა გაიბრძოლა ამ უთანასწორობის წინააღმდეგ. თუმცა მაშინ სკანდალი ჩააცხრეს. არ გასულა ბევრი დრო და არაფერი შეცვლილა – ჰოლივუდელი ჯეიმს ბონდები, ჰალკები და სუპერმენები კვლავაც გაცლებით მეტს იღებენ, ვიდრე ძალიან ნიჭიერი ქალი მსახიობები.

ამჯერად ხმა ნატალი პორტმანმა აიმაღლა. “მარი კლერის” ინტერვიუში, რომელიც თებერვალში გამოვა დახლებზე, ნატალიმ თქვა, რომ ფილმისთვის “მეტი, ვიდრე სექსი”, მას სამჯერ უფრო ცოტა გადაუხადეს, ვიდრე მის პარტნიორ ეშტონ კატჩერს. “მე ეს ვიცოდი, - ამბობს ნატალი, - მაგრამ მაშინ სკანდალებს მოვერიდე. ჰოლივუდში ყველა მსახიობს აქვს თავისი საზღაური. აი კატჩერის საზღაური ჩემსაზე სამჯერ მეტია. ძალიან არ მეწყინა, იმიტომ, რომ მე ცუდად არ ვშოულობ ფულს, მაგრამ ეს უთანასწორობა ძალიან მწყინს. სხვა პროფესიების ქალების ანაზღაურება კაცებთან შედარებით გამოდის 80 ცენტი ერთ დოლართან. მსახიობი ქალების შემთხვევაში კი – 30 ცენტი გამოდის”.

სხვათა შორის, “ფორბსის” მონაცემებით კატჩერი ვერ მოხვდა გასული წლის ყველაზე მაღალანაზღაურებადი მსახიობების სიაში. მას არც ისე ბევრი ფილმი ჰქონია იმ წელს ანგარიშზე. პირველ სამ პოზიციაზე აღმოჩნდნენ დუეინ ჯონსონი 64 მილიონი დოლარით, ჯეკი ჩანი – 61 მილიონით და მეტ დეიმონი – 61 მილიონით.რაც შეეხება ქალებს, ყველაზე მაღალანაზღაურებადი მსახიობი 2016 წლის მონაცემებით ჯენიფერ ლოურენსია – 46 მილიონი დოლარით, მელისა მაკარტი – 33 მილიონით და სკარლეტ იოჰანსონი – 25-მილიონიანი შემოსავლით. უთანასწორობა ამ თანხების შედარებითაც იგრძნობა. 


კომენტარები (0)


სხვა სიახლეები