19 იანვარი 2017 ხუთშაბათი - 02:09
11-01-2017
პრინცის საგანძური – გარდაცვლილი მომღერლის სახლში 67 ოქროს ზოდი იპოვეს!
ადრე ვწერდით, თუ როგორი ორთაბრძოლა გაიმართა გარდაცვლილი მომღერლის – პრინსის მემკვიდრეობის გამო. თუმცა მას მერე, რაც სასამართლომ არტისტის ქონების აღწერა გამოაქვეყნა, აღმოჩნდა, რომ მას ანგარიშებზე არაფერი ჰქონდა. ამ დღეებში გაირკვა, რომ პრინსს არ ჰქონია არც ფასიანი ქაღალდები და არც ობლიგაციები. თუმცა გასაყოფი საგანძური მაინც აღმოჩნდა.

მომღერლის სახლში 67 ოქროს ზოდი იპოვეს, რომელთა საერთო ღირებულება 836 ათასი დოლარია. საოცარია, მაგრამ ფაქტია, რომ თავისი ქონების დიდ ნაწილს მომღერალი სულაც არ ანდობდა ბანკებს და ძვირფას მეტალში ამჯობინებდა მათ შენახვას. ასევე მისი მემკვიდრეობის დიდი ნაწილია მისი სახლი მინესოტაში, რომელიც 25 მილიონი დოლარი ღირს. ასევე მანქანები, ძვირფასეულობა და საავტორო უფლებები მის სიმღერებზე. ასე რომ, მისი მემკვიდრეობისთვის გამოცხადებულ ბრძოლას აზრი ნამდვილად აქვს. 

სულ 36 ადამიანი იბრძოდა მისი მემკვიდრეობისთვის, თუმცა მოგვიანებით სასამართლომ 29 მათგანი თვითმარქვიად ცნო. ახლა მემკვიდრეობისთვის ბრძოლას აგრძელებენ მისი და-ძმები, ძმიშვილები და ძმის შვილიშვილები. თუმცა ყველა მათგანმა უნდა ჩაიტაროს დნმ-ის ანალიზი, რომ ნათესაობა დაადასტუროს.



კომენტარები (0)


სხვა სიახლეები