25 თებერვალი 2017 შაბათი - 08:29
11-01-2017
ამბერ ჰერდი: “დეპი ჩემზე შურს იძიებს... ნუ შეეგუებით ოჯახურ ძალადობას!”
ამბერ ჰერდისა და ჯონი დეპის განქორწინებასთან დაკავშირებული სკანდალი გრძელდება, მიუხედავად იმისა, რომ უკვე საბუთებსაც მოაწერეს ხელი. დეპის ყოფილი ცოლი ამბობს, რომ ჯონი მას დასცინის და ახალ-ახალი სარჩელებით წელავს თანხის გადახდას. ახალი წელი მისთვის ნაღვლიანად დაიწყო – როცა ჩანდა, რომ ცხოვრება ლაგდებოდა და ჯონი გადაიხდიდა შეპირებულ 7 მილიონ დოლარს, რაც სასამართლომ დააკისრა შარშან აგვისტოში, დეპმა ისევ სარჩელი შეიტანა და 100 ათასი დოლარის გადახდა მოითხოვა სასამართლოსგან, პირობების შეუსრულებლობის გამო.

შარშან ნოემბრის ბოლოს ამბერ ჰერდის მიერ გავრცელებულ ვიდეოში, რომელშიც მსახიობი ოჯახური ძალადობის შესახებ საუბრობდა და ქალებს ხმის ამაღლებისჯენ მოუწოდებდა, დეპის ადვიკატებმა კონფიდენციალობის შესახებ შეთანხმების დარღვევა დაინახეს და სარჩელისთვის საბაბიც გამოუჩნდათ. რაც უფრო დიდხანს გაიწელება სასამართლო პროცესები, მით უფრო გვიან მოუწევს ჯონის დაკისრებული თანხის გადახდა და მისი ადვოკატები არც ერთ მომენტს არ უშვებენ ხელიდან. 

ერთმა ადვოკატმა ისიც თქვა, რომ თუ ამბერი მომავალშიც გააგრძელებს ასე “თამაშს”, შეპირებული 7 მილიონიდან არაფერი დარჩება – მთელი ფული წავა ჯარიმებზე, შეთანხმების პირობების დარღვევის გამო.

“ჯონი და მისი ადვოკატები თითქოს სპეციალურად მსჯიან და მიზეზებს ეძებენ, რომ არ გადამიხადონ ეს თანხა. მე კი მინდა, ჩემი ცხოვრება უკან დავიბრუნო და ბოლოს და ბოლოს, გავთავისუფლდე ჯონი დეპისგან!”


კომენტარები (0)


სხვა სიახლეები