მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
''ეტალონი'' მორიგ ინტელექტ-ჩემპიონატს ატარებს - დღეს ''აჟარის ეტალონი მოსწავლე'' გამოვლინდება.
ღონისძიება აჟარის (ზემო აფხაზეთი) მუნიციპალიტეტის ეგიდით ტარდება.
ამ წუთებში, ეროვნული ინტელექტ-ჩემპიონატი საზოგადოებრივ კოლეჯ ''ორიენტირში" მიმდინარეობს.
ინტელექტ-შეჯიბრში გამორჩეული ახალგაზრდები მონაწილეობენ.
ღონისძიებას აჟარის მუნიციპალიტეტის საკრებულოს თავმჯდომარე სპარტაკ გურჩიანი, აჟარის მუნიციპალიტეტის გამგებლის მოადგილე ხვანთქარ დევდარიანი, რესურსცენტრის უფროსი ქეთევან არღვლიანი, კულტურის სამსახურის უფროსი მაია მიქიანი, სკოლის წარმომადგენლები, დირექტორები, პედაგოგები, მოსწავლეები და მათი მშობლები ესწრებიან.
დღევანდელ შეჯიბრში გამარჯვებულს ''აჟარის ეტალონი მოსწავლის" ტიტული მიენიჭება და ის გაზაფხულზე, ეროვნული ინტელექტ-ჩემპიონატის გრანდიოზულ ფინალში მიიღებს მონაწილეობას.
"ეტალონი" 2016-2017 სასწავლო წელს საქართველოს ყველა ქალაქსა და მუნიციპალიტეტს ესტუმრება და ადგილზევე გამოავლენს "ეტალონ მოსწავლეებს".
პროექტი განათლებისა და მეცნიერების სამინისტროს მხარდაჭერით მიმდინარეობს.