გრაფიტი ღია სცენის კედლზე - სენაკის N1-მა სკოლამ ხეების გაჩეხვის წინააღმდეგ აქცია მოაწყო
30-11-2016
დაკოპირებულია
-
+
დღეისათვის ერთ-ერთი ყველაზე მწვავე და აქტუალური პრობლემა არის ხეების გაჩეხვა. იგი ითვლება სტიქიური უბედურებების და ბუნებრივი კატაკლიზმების მთავარ მიზეზად, რაც დიდ საფრთხეს უქმნის დედამიწას და კაცობრიობას.
სენაკის მონიციპალიტეტის გამგეობის სპორტისა და ახალგაზრდობის სამსახურის მხარდაჭერით და სენაკის N1 სკოლაში ჩამოყალიბებული CENN-ის გუნდის წევრებმა, ნიკო კეცხოველის სახელობის 1,2 და 3 ხარისხის პრემიის მოსაპოვებლად კონკურსის ფარგლებში, განახორციელეს გარემოსდაცვითი განათლების მხარდაჭერის მიზნით მორიგი საქმიანობა.
მოსწავლეებმა სენაკის ცენტრალურ პარკში, გრაფიტი დაიტანეს ღია სცენის კედელზე.
როგორც ხელოვნების მასწავლებელი მამუკა კუჭავა აღნიშნავს, თანამედროვე პერიოდში გრაფიტი ყველაზე გავრცელებული მასალაა:
"მოსწავლეებმა ფერადი სასხურებელი საღებავებით გამოხატეს სატკივარი და ეს მონუმენტური ნახატი იქნება მათი გადადგმული ნაბიჯი, დაარწმუნონ მოსახლეობა იმაში, რომ დაიცვან ბუნება და ბუნებაც დაიცავს მათ."
სკოლის დირექტორის ნინო გოგელიძისა და ხელოვნების მასწავლებელის მამუკა კუჭავას თანამშრომლობამ, სენაკის მონიციპალიტეტის გამგეობის სპორტისა და ახალგაზრდობის სამსახურთან, ახალგაზრდებს გააკეთებინა სასარგებლო საქმე, რისთვისაც სკოლის მოხალისეთა გუნდი მადლობას უხდის მათ.